اسلام آباد 11 جولائي (اے پي پي) داخله چارو لپاره د سېنېټ قائمه كمېټۍ غونډه د سېنېټر فيصل سليم رحمان په مشرۍ كښې پارليمنټ هاؤس كښې وشوه۔په غونډه كښې د كورنيو چارو وفاقي وزير محسن نقوي د امنيتي چارو په اړه بريفنګ وركړو۔د كمېټۍ په غونډه كښې د ترهه ګرۍ په نتيجه كښې د شهيد شوي سېنېټر هدايت الله لپاره لاس نيوه وشوه۔كمېټۍ ته بريفنګ وركولو په مهال د كورنيو چارو وفاقي وزير محسن نقوي ووئيل د امن او امان صورتحال په ځاے ساتل د صوبو ذمه واري ده٬ په كچے سيمه كښې پنجاب او سندھ دواړه صوبې عمليات كوي٬سندھ حكومت د دې عملياتو مشري كوي۔دغسې قائمه كمېټۍ د اېف سي چارواكو څخه په سېنېټر هدايت الله د شوي ترهه ګرۍ بريد رپورټ وغوښتلو۔داخله سېكرټري د چينائي وګړو امنيت په اړه بريفنګ وركړو او كمېټۍ ته ووئيل شول جې د چينائي انجينئرز او د نورې عملې امنيت لپاره فول پروف انتظامات شوي او په دې لړ كښې اړوندو څانګو خپل مينځ كښې كوآرډينېشن په ښه ډول ترتيب كړے ۔سېنېټر عمر فاروق ووئيل د عامو وګړو د ژوند تحفظ د حكومت وړومبۍ پام لرنه پكار ده۔سېنېټر عمر فاروق په خواست د كوئل مائنز بلوجستان په اړه هم رپورټ وغوښتلے شو ۔د كېمټۍ چيئرمېن په طورخم بارډر د قاچاق مخ نيوي له د ادارو د اوسنو كاروائيو ستائنه وكړه او په دې نازكه معامله اېف بي آر سره په ګډه د كار كولو عزم هم څرګند كړے شو ۔سينيټر عرفان الحق صديقي ووئيل چينائي سېلګري نه دي او نه يوازې پارټ ټائم وزيټرز دي هغه زمونږ معيشت٬قامي سلامتيا٬پرمختګ او خوشحالۍ كښې مهم كردار ادا كوي٬چينائي وګړي په خاص توګه په نخښه كولې كېږي ٬ دښمن غواړي چې زمونږ شريكې اړيكې خرابې وي٬مونږ له به چينائي وګړو تحفظ باوري كولو لپاره خپلې ذمه وارۍ ادا كول وي۔سېنېټر نسيمه احسان كمېټي ځان ته او خپلې كورنۍ ته په ژوند كښې د رامخې ته شوو خطرو څخه خبر كړه او وې وئېل زما په كور بريد شوے٬زما بچي چرته هم نشي تللے او نه په خپله سيمه كښې زمكيز سفر كولې شي۔دغسې قائمه كمېټۍ د سندھ وګړو تحفظ په اړه په شوو اقداماتو د سندھ رينجرز څخه رپورټ وغوښتلو۔سېنېټر ثمينه ممتاز كمېټۍ ته ووئيل د سندھ آئي جي د مئي خط ځواب ماته په جولائي كښې راكړو ۔په دې مهال غونډه كښې د كوےنيو چارو وفاقي وزير٬داخله سېكرټري پشمول نورو چارواكو هم ګډون وكړو
داخله چارو لپاره د سېنېټ قائمه كمېټۍ غونډه٬د كورنيو چارو وفاقي وزير محسن نقوي د امنيت په چارو بريفنګ
مضمون کا ماخذ : apostas quina
متعلقہ مضامین
