اسلام آباد 24 اپرېل (اے پي پي) وزيراعظم محمد شهباز شريف وئيلي دي چې تېر حكومت سياسي مخالفين بدتره انتقامي كارروائيو سره مخ كړي دي، دا وئيلي شوي چې شهباز شريف په كډني و ليور انسټي ټيوټ جوړولو 20 اربه روپې لګولې دي او په دې زه د نېب په عقوبت خانه كښې ساتلې شوے يم، د پاكستان كډني و ليور انسټي ټيوټ په مكمل توګه د زر فعاله كولو هدايت مو كړے، دا روغتون يوازې پنجاب نه بلكې ټول پاكستان لپاره دے. دا مو خواهش و چې دا سنټر په ټرسټ كښې بدل كړے شي. د اتوار په ورځ د پاكستان كډني و ليور انسټي ټيوټ د دورې په موقع مېډيا سره په خبرو كښې ده ووئيل چې د پنجاب خادم پاتې كېدو سره په 10 كلونو كښې مو اربونه روپې په غريبانو، يتيمانو او د كونډو په علاج لګولې دي، دا سنټر د مستحق رنځورانو وړيا علاج لپاره جوړ كړے شوے، په اداره كښې يوازې 6 آپرېشن سنټر فعاله دي پاتې 14 بند پراته دي. ده ووئيل چې د دې دورې مقصد د طبي اسانيو جاج اخستل دي. د دې سنټر پرانسته په كال 2018م كښې شوې وه چرته چې د غريبانو علاج كېدل و خو د بريفنګ په مهال معلومه شوه چې دلته يوازې د 17 فيصده غريب رنځورانو كډني ټرانسپلانټ شوي دي او د 83 فيصده اميرانو علاج شوے. دا روغتون د مستحق رنځورانو وړيا علاج لپاره جوړ كړے شوے و. ده ووئيل چې كډني ټرانسپلانټ لپاره به خلق هند او چين ته تلل، مونږ په دوه كلونو كښې دا روغتون جوړ كړو. د ډاكټر سعيد اختر او د هغه د ډلې په شريكو هڅو دا روغتون جوړ شوے. د فېصل ډار پشان قابل معالج مو دلته راوستلو سره روغتون فعاله كړو. په دې روغتون جوړولو د نېب په عقوبت خانه كښې وساتلې شوم خو د يوې روپې كرپشن ثابت نه شو. ده ووئيل چې د سنټر په مكمل توګه فعاله كولو لپاره هدايات شوي دي ، مونږ به په خپلو اهدافو كښې ضرور بريالي كېږو.
د وزيراعظم شهباز شريف د كډني و ليور اټسټيټيوټ دوره، د پاكستان كډني و ليور انسټي ټيوټ په مكمل توګه د زر فعاله كولو هدايت مو كړے. د وزيراعظم شهباز شريف مېډيا سره خبرې
مضمون کا ماخذ : وائکنگز گو برزرک
متعلقہ مضامین
