اسلام آباد 26 اکتوبر (اے پي پي) د قومي اسمبلۍ سپيكر اسد قېصر وئيلي دي د افغانستان د سولې د عمل نه يوازې پاكستان بلكې ټولې نړۍ ستائنه كړې، د افغانستان د سولې عمل ډېر په احتياط سره د ترسره كولو ضرورت دے، پاكستان او افغانستان دې په ګډه بحيره عرب د مېنځني اسيا هېوادونو سره تړلو لپاره كردار ترسره كړي، دې سره به د دواړو هېوادونو اولس لپاره د اقتصادي پرمختګ او سوكالې نوے دور پېل شي. ده دا خبرې د ګل په ورځ د پاكستان او افغانستان د تجارت او سرمايه كارې دوه ورځني فورم ته د خپلې وېنا په مهال وكړې. د قومي اسمبلۍ سپيكر ووئيل مهمه خبره دا ده چې پاكستان او افغانستان ته به د شريكو چارو حل لپاره د تفاهم او همغږۍ لارې لټول وي. ده ووئيل پاكستان او افغانستان د يو بل شراكتدار دي. يو وخت ؤ چې د دواړو هېوادونو د تجارت حجم 2.5 اربه ډالره ؤ خو بيا په دې كښې ورو په ورو كمے راغلو او بيا ورپسې د كورونا وائرس د صورتحال له مله دا ډېر كم شو ځكه چې صنعتي ادارې تر څو مياشتو بندې وې.ده ووئېل اوس دغه خنډان ختم كړے شوي، تجارانو او صنعتكارو ته اسانيې وركولو سره به تجارت زيات شي، د غربت خاتمې او سماجي پرمختګ له به مرسته تر لاسه شي او په خاص توګه په سرحدي سيمو كښې د روزګار موقعو راپېدا كېدو سره به د دواړو هېوادونو د اولس په ژوند كښې بهتري راشي. ده ووئيل په دې لړ كښې مرستې لپاره پاك افغان پارلماني فرېنډ شپ پروګرام جوړ كړے شوے او د تجارت ښه والي لپاره ټاسك فورس هم تشكيل كړے شوے. په دې لړ كښې د جوړې شوې خاص پارلماني كمېټې د 15 نه زياتې غونډې شوي. د قومي اسمبلۍ سپيكر كنفرنس كولو لپاره د يو اېس اېډ پشمول د نورو ادارو او شخصياتو مننه هم وكړه.
د افغانستان د سولې عمل ډېر په احتياط سره د ترسره كولو ضرورت دے، افغان ټرانزټ ټرېد لپاره درې ځايونه پرانستلے كېږي. د قومي اسمبلۍ سپيكر اسد قېصر
مضمون کا ماخذ : اسکریچ کارڈ نمبر
متعلقہ مضامین
