اسلام آباد۔26جولائی(اے پی پی) د پارلېمنټ په شريكه غونډه كښې انتخابات ترمیمی بل 2023 ځينې بدلونونو سره منظور كړے شو۔ د شورؤ په ورځ د پارلېمنټ په شريكه غونډه كښی د پارليماني چارو وفاقي وزير مرتضی جاوېد عباسي ٬ قومي اسمبلۍ څخه په منظور كړې شوي او د سېنېټ لخوا په 90 ورځو كښې نه منظور كړې شوي ٬ انتخابات اېكټ 2017 كښې د ترمیم كولو په بل (انتخابات ترمیمی بل 2023) د فوري غور كولو تحريك وړاندے كړو۔ د تحريك منظورۍ څخه وروستو په دې عمومي بحث وكړے شو۔ د قانون وفاقي وزير اعظم نذیر تارړ د بل په اړه ووئيل په دې بېل كښی د يو شق نه غېر په نورو ټولو شقونو اتفاق وو ٬ يوازې په شق 230 اتفاق نه وو۔ اوس مو دا شق آسان كړې ٬ مونږ راروانې ټاكنې سپېځلې غواړؤ۔ وفاقی وزیر سردار ایاز صادق ووئيل كمېټۍ په بل كښې د تراميمو د رايو كثرت سره منظوري وركړې ده۔ سېنېټر رضا ربانی ووئيل د بل په نورو شقونو كوم اعتراض نشته۔ د سېكشن 230 غړو مخالفت كړې وو۔ د قانون وفاقي وزير مننه كوؤ چې هغه د ايوان بحث نظر كښې ونيولو او دا د دې پارليمان ښكلا ده ٬ له دې كبله ذېلي شق ون او ټو بېرته واخستې شو۔ منظور كاكړ ووئيل د اصلاحات كمېټۍ چيئرمېن په غوره ډول غونډې مخ په وړاندې بوتلې دي٬ قوانين كښې يۍ پياوړتيا رامخې ته كړې٬ په بلوچستان كښې عوامي پارټۍ خپل كردار ترسره كړې دې۔ د هېواد ډيفالټ څخه په بچ كېدو ټولو ګوندونو ته مباركي وركوم۔ سېنېټر ثانيه نشتر ووئيل د سېكشن 230 ذېلي شق 3 ته به پام ګرځول وي٬ نګران حكومت دوه درې مياشتو لپاره وي د دې زيات مضبوطولو له دومره هڅې ولې كولې شي۔ سپيكر ووئيل د ترميمي بل په اړه د دواړو اړخونو څخه رايې راغلي دي۔ ايوان د حكومتي ترميمونو منظوري وركړې او اپوزيشن مسترد كړې بياهم ځينې تراميم منظور كړې شول۔ د شق وارې منظورۍ څخه وروستو د قانون وفاقي وزير سېنېټر اعظم نذير تارړ بل ايوان كښې منظورۍ لپاره وړاندې كړو د كوم چې ايوان منظوري وركړه۔ ددې بل منظورۍ سره به پریزائیډنګ افسر د نتيجو په سمدستي توګه الېكشن كمېشن او ريټرننګ آفسر ته د لېږلو پابند وي۔ پریذائډنګ افسر دې د فارم 45 عكس جوړولو سره الېكشن كمېشن ته ولېږي۔ پریذائیډنګ افسر به د الېکشن په شپه د شپې تر 2 بجو د نتيجو وركولو پابند وي۔ د تاخير په صورت كښی به كوټلې سبب وړاندې كوي۔ د بلې ورځې سهار 10 بجې به ډېډ لائن وي۔ په دې كښې د ناكامۍ په صورت كښې به فوجداري مقدمات چلولې شي۔ ۔پولنګ ډے نه 5 ورځې وړاندې به پولنګ سټېشن بدلولې نه شي۔ انتخابي مصاريفو له به وړاندې څخه كارول كېدونكي اكاؤنټس كارولې شي۔ د قومی اسمبلی 5 فیصد یا 8 زره او د صوبائي اسمبلۍ 4 زره ووټونو فرق سره به بيا شمېره كولې شي۔ اياز صادق ووئيل د ورلډ بنک سېلاب ځپليو لپاره په ستمبر كښې بورډ ميټنګ كېدونكے دے د كوم لاندې چې په نرمو شرطونو قرضې وركولې شي۔ د دې دلاسه به ټاكنې تاخير سره نه مخ كېږي۔ په ستمبر كښې د ورلډ بېنك په غونډه كښې د پاكستان سېلاب ځپليو سيمو لپاره په نرمو شرطونو د قرض لوظنامې كولو اختيار نګران حكومت ته د وركولو ترميم منظور كړې شو۔
د پارلېمنټ په شريكه غونډه كښې انتخابات ترمیمی بل 2023 ځينې بدلونونو سره منظور كړے شو
مضمون کا ماخذ : loteria de Minas Gerais
متعلقہ مضامین
