پی ٹی آئی سوشل میڈیا تے لاشاں دیاں نقلی تصویراں تے ویڈیواستعمال کریندی پئی اے ، غزہ دی فوٹیج کوں ڈی چوک نال جوڑیا ڳئے ، انتشار تے تشدد دی سیاست دی اجازت نی ݙتی ونڄ سڳدی، عطاءاللہ تارڑ

اسلام آباد۔30نومبر(اے پی پی) وفاقی وزیر اطلاعات و نشریات، قومی ورثہ و ثقافت عطاءاللہ تارڑ آکھیے پی ٹی آئی لاشاں متعلق سوشل میڈیا تے نقلی تصویراں تے ویڈیو استعمال کریندی پئی اے ، نہتے فلسطینیاں تے اسرائیلی ظلم دی فوٹیج اتے 2019 اچ اپݨے ہی دور دے ھک واقعہ دی تصاویر کوں ڈی چوک نال جوڑ ݙتا ڳئے، اپݨے احتجاج توں فرار اتے شرمندگی لکاوݨ سانڳے پی ٹی آئی آلے اوچھے ہتھکنڈے استعمال کریندے پئن ، فیک نیوز، ڈس انفارمیشن اتے کوڑا پروپیگنڈا انھاں دا وطیرہ اے، انتشار تے تشدد دی سیاست دی اجازت نی ݙتی ونڄ سڳدی ، گرفتار شرپسنداں دا سپیڈی ٹرائل تھیسی تے انہاں کوں توڑ پڄایا ویسی ۔ سوشل میڈیا تے نقلی تصویراں تے پوسٹاں دے حوالے نال میڈیا نال ڳالھ مہاڑ کریندے وفاقی وزیر اطلاعات آکھیے وزیراعظم محمد شہباز شریف گزریل ݙینھ امن و امان دے حوالے نال اعلی سطحی اجلاس دی صدارت کی??ی جیں اچ ساریاں سکیورٹی ایجنسیاں دے سربراہان، پنجاب اتے سندھ حکومتاں دے چیف سیکرٹریز اتے آئی جیز شریک تھئن ۔اجلاس اچ ریاست دی طرفوں فیصلہ کی??ا ڳئے جو کہیں کوں انتشار اتے تشدد دی اجازت نہ ݙتی ویسی ۔ وفاقی وزیر اطلاعات آکھیے معیشت بہتری آلے پاسے ٹردی پئی اے ، معاشی اشاریئے مثبت تھیندے پئن ، سٹاک ایکسچینج ھک لکھ پوائنٹس پار کرڳئی اے ، ترسیلات زر اچ ودھارا ت?? مہانگ گھٹ تھیندی پئی اے ، زرمبادلہ دے ذخیرے 11 ارب ڈالر توں ودھ ڳئن ، ست مہینے اچ کئی ملکاں دے وفد پاکستان آئے ، پاکستان ایس سی او سمٹ دی میزبانی کی??ی، بیلاروس دے صدر آئے، انھاں نال کئی معاہدیں تے دستخط کی??ن ، گزریل ݙینھ پی آئی اے دے یورپی روٹس کھلݨ دی خوشخبری آئی جیں توں پی آئی اے دا ریونیو ودھسی تے پی آئی اے آپݨا ونڄا مقام گھنسی وزیراعظم دی قیادت اچ ݙینھ رات محنت تھیندی پئی اے ساݙا ھکو مشن اے پاکستان تے عوام دی ترقی کیویں تھی سڳدی اے ، اساکوں جݙاں ملک ملیا تاں ڈیفالٹ تھیوݨ دے نیڑے ہئی اساں الزام نی لاتے ، رووݨ پٹݨ نی کی??ا ، اساں ملک دی فلاح و بہبود دی بہتری سانڳے ݙینھ رات کم کی??ے ،وزیراعظم محمد شہباز شریف دا مشن ہئی جو ملکی معیشت کوں ٹھیک کرݨا اے ، پیرس اچ وزیراعظم دی جݙاں ایم ڈی آئی ایم ایف نال ملاقات تھئی تاں ایم ڈی آئی ایم ایف دے الفاظ ہن جو وزیراعظم شہباز شریف تساں نہ ہوندے تاں شاید معیشت ٹھیک نہ تھیندی۔ وفاقی وزیر آکھیے ھک پاسے ملک ترقی کریندا پئے ݙوجھے پاسے انتشار دی سیاست کی??ی ویندی پئی اے ، پی ٹی آئی ہݨ لاشاں تے سیاست کریندی پئی اے کل انہاں دے رہنماواں پریس کانفرنس کی??ی، پہلے آکھیا ڳئے سنائپر شاٹ ماریے ڳئن ، ول آکھیا ڳئے براہ راست فائرنگ کی??ی ڳئی ، سارے ٹی وی چینلز انہاں کوں بھڄدے ݙکھائے ، انھاں دیاں دوڑاں لڳیاں پیاں ہن ترائے ݙینھ تھی ڳئن پی ٹی آئی براہ راست فائرنگ یا سنائپرز دی ھک وی ویڈیو سامݨے نی گھن آسڳی ۔ انھاں آکھیے پمز اتے پولی کلینک ہسپتالاں دی انتظامیہ آکھیے جو اساکوں کوئی ڈیڈ باڈی کائنی ملی ، افسوس ایں ڳالھ دا ہے جو غیر ملکی میڈیا جیڑھیاں تصویراں چلیندا پئے او آرٹیفشل انٹیلی جنس نال تیار کی??یاں ڳئن ۔ ھک تصویر 2019 اچ انہاں دے آپݨے دور حکومت دی سوشل میڈیا تے شیئر کی??ی ڳئی ، اے فوٹیج انھاں دے سارے مین ٹویٹر اکائوٹس توں پوسٹ کی??ی ڳئی غزہ دے اندر مظلوم فلسطینیاں دے اتے اسرائیل دی طرفوں چاتے ڳئے ظلم دی فوٹیج کوں ڈی چوک دے مظاہرے نال جوڑیا ڳئے۔ ترائے ݙینھ تھی ڳئن انہاں دی ڈیڈ باڈیز اتے ناں ہی بدلدلے پئن ، سوشل میڈیا تے مختلف اکائونٹس توں ٹویٹ کی??ا ویندا پئے ، رینجرز تے پولیس اہلکار شہید تھئن ، انھاں دے ٻال یتیم تھی ڳئن ، پی ٹی آئی انہاں دیاں تصویراں تاں نی لاتیاں ، ھک پولیس اہلکار دے سر تے پتھر مار تے اینکوں قتل کی??ا ڳئے ، اے پوسٹ نی کی??ا جو غلولی نال بنٹے ماریے ڳئن ، انہاں دے لوک AK47 نال فائرنگ کریندے رہیے ، شواہد موجود ہن انہاں اے کتھائیں نی پوسٹ کی??ا جو پولیس تے آنسوگیس شیلز ??ائر کی??ے ڳئے ، سرکاری املاک دا ضیان کی??ا ڳعے غریباں دے موٹر سائیکلاں کوں بھاہ لاتی ڳعی ۔ وفاقی وزیر عطاءاللہ تارڑ آکھیے بانی چیئرمین پی ٹی آئی دے ملتان جلسہ اچ 12 لوگ ماریے ڳئے ہن تے اتنے بے حس ہن جو لوکاں میتاں چاتے سٹیج تے رکھݨ شروع کرݙتیاں تے موصوف تقریر کی??ے بغیر گھر نی ڳئے ۔ وفاقی وزیر آکھیے انہاں ھک ھک کروڑ دا اعلان کی??ے ، اے ملتان اچ ماریے ونجݨ آلیں دے وارثاں کوں وی ݙتا ونڄے ۔ لاشاں دا کوڑا بیانیہ بݨایا ڳئے اے ناں ݙسا سڳئن نہ ویڈیو ثبوت گھن آئن ، انہاں کوں کیوں کوڑیاں تصویراں استعمال کرݨ دی لوڑھ پئی ؟ پی ٹی آئی سوشل میڈیا تے ھک تصویر لاتی جو جیں اچ بلیو ایریا دی سڑک کوں خون اچ لت پت ݙکھایا ڳئے، میں پوری سڑک دا دورہ کی??ے تے ھک ھک انج سڑک دا ݙکھائے ، اے آپݨے کپڑے جتیاں، گاݙیاں چھوڑ تے اتھوں بھڄ ڳئن ہݨ فرار تھیوݨ دی شرمندگی لکاوݨ سانڳے اے لاشاں دا سہارا گھندے پئن ۔ گزریل ݙینھ بشریٰ بی بی پارٹی اجلاس اچ سلمان اکرم راجہ اتے صاحبزادہ حامد رضا دے خلاف جیڑھے الفاظ استعمال کی??ن، انھاں دی مذمت کریندوں ۔پی ٹی آئی اندرلے خلفشار دا شکار اے، بشریٰ بی بی چاہندیاں ہن جو خون خرابہ تھیوے جیڑھا نی تھیا تاں آپݨے فرار کوں لکاوݨ سانڳے آکھیا ویندا پئے جو اے لوک مرڳئن ، کݙاہیں اے 100 تعداد ݙسیندن ، کݙاہیں 12 اتے کݙاہیں 15 تھی ویندی اے ، پوری قوم انہاں کوں بھڄدے ݙٹھے، کی??تساں ھک وی ویڈیو ݙکھا سڳدو جیں اچ سکیورٹی فورسز کوں فائرنگ کریندے ݙٹھا ڳیا ہووے ؟ ھک بندے بارے پروپیگنڈا کی??ا ڳئے جو او کنٹینر تے نماز پڑھدا پئے تے اینکوں تلے ݙھایا ڳئے ۔ انہاں آکھیے اے بندہ منڈی بہاوالدین دے رہݨ آلا اے ، بالکل صحیح سلامت اے، ایندی ویڈیو آڳئی اے ، اے نماز نہ پڑھدا پیا ہئی بلکہ ٹک ٹاک بݨیندا پیا ہئی اوں آپݨے دوست کوں چیلنج کی??ا ہویا ہئی ، پی ٹی آئی دے احتجاج توں افغان شہری وی گرفتار تھئن ، جدید اسلحہ نال لیس 45 لوکاں کوں گرفتار کی??ا ڳئے انہاں سارے لوکاں کوں سزاواں ملسن ، اموات دے حوالے نال کوڑیاں خبراں دا سلسلہ چلایا ڳئے اے سارا کوڑدا پلندہ اے کتھاں ہن ثبوت؟ اے تاں سڑک تے ویندا جنازہ ݙیکھ تے ایں تے آپݨی پارٹی دا جھنڈا لا ݙیندن ۔ انہاں کنے حالی تئیں کوئی سی سی ٹی وی فوٹیج، کیمرہ فوٹیج یا کوئی تفصیل کائنی ، سکیورٹی اہلکاراں کوں کہیں وی احتجاج اچ لائیو ایمونیشن ڈی اجازت نی ہوندی انہاں کنے ثبوت کائنی تاں اے کوڑیاں ویڈیو دا سہارا گھندے پئن ۔ اساں سی سی ٹی وی فوٹیج ݙکھائی اے جیں اچ انہاں دے لوکاں کوں فائرنگ کریندے تے ٹیئر گیس شیلز چلیندے ݙٹھا ونڄ سڳدے پورے بلیو ایریا اچ ھک خون دا قطرہ نی آیا ۔ انہاں دی قیادت احتجاج توں غائب ہئی، شیخ وقاص اکرم، عاطف خان، شہرام ترکئی، اسد قیصر سودھے کوئی لیڈر دھرنے اچ کائنی آیا ھک علیمہ گروپ اے اتے ݙوجھا بشریٰ گروپ۔ بشریٰ بی بی چاہندی ہئی جو ڈی چوک دے کنٹینرتے چڑھ ونڄن، او علی امین گنڈاپور نال لڑدی رہی تساں اڳوں ونڄو ، بشریٰ بی بی دی ترجمان مشال یوسفزئی کوں وی عہدے توں ہٹا ݙتا ڳئے جیں توں سمجھ آڳئی اے جو پارٹی اندرلے خلفشار دا شکار اے۔ اے ریاست کوں ضیان پڄاوݨ چاہندے ہن انہاں آپݨا کنٹینر ساڑیے ، اے چاہندے ہن بیلاروس دے صدر دے دورے کوں سبوتاژ کی??ا ونڄے انہاں کنے لوک گھٹ ہن ، خیبر پختونخوا دےعوام ملک نال محبت کرݨ آلے لوک ہن خیبر پختونخوا دے عوام وی ایں احتجاج دی کال کوں مسترد کی??ے ، پی ٹی آئی سیاسی طور تے ناکام تھی چکی اے انہاں دی انتشار کھنڈاوݨ دیاں کوششاں وی ناکام تھی چکن ، ملک کوں بھاہ لاوݨ تے معیشت کوں تباہ کرݨ دیاں کوششاں ناکام تھی ڳعن ، پی ٹی آئی دے احتجاج توں تاجران دا 190 ارب روپے دا ضیان تھئے انھاں توں ہرجانہ گھنݨا چاہیدے ، احتجاج تے سرکاری وس??ئل دا بے دریغ استعمال کی??ے، لاشاں دا کوڑا بیانیہ بݨائے ، ملک تں ٻاہر اے فوج دے خلاف ڳالھیں کریندن ، پاک فوج خیبر پختونخوا اتے بلوچستان اچ آپݨیاں جاناں دے نذرانے پیش کریندی پئی اے انہاں دے ٻال یتیم تھیندن جے اے اتھاں نہ ہوون تاں تساڈے ٻال محف??ظ نہ ہوسن لیکن تساں کوں ایندی قدر کائنی ، پی ٹی آئی سپہ سالار دے خلاف پوسٹاں لاتن، شہداءدی تضحیک کی??ی، اے مٹھی بھر لوک ہن جیڑھے نہ خیبر پختونخوا دے عوام دی نمائندگی کریندن تے نہ پاکستان دے عوام دی ہر فیک پوسٹ تے فیک دی سٹیمپ لاتی ویسی اساں ھک سیل بݨائے جیڑھا ای ویریفیکیشن کریسی تے فوٹیج دی اصلیت ݙسیسی،  بشریٰ بی بی وݙے وݙے دعوے کی??ے ہن جیویں لوکاں انہاں کوں مسترد کی??ے ہݨ لڳدے انہاں کوں سی ایم ہاؤس تں وی کڈھیا ویسی ۔ وفاقی وزیراطلاعات آکھیے لاشاں دے کوڑے بیانیے توں معیشت ڈی ریل نہ تھیسی ، اللہ دے فضل و کرم نال پی آئی اے دا معاملہ حل تھئے ، پاکستان دے زرمبادلہ دے ذخیرے ودھئن ، وزیراعظم محمد شہباز شریف دی ہدایت اے جو کہیں کوں امن خراب کرݨ دی اجازت نہ ݙتی ویسی جیڑھے شرپسند وٹھیے ڳئن انہاں دا سپیڈی ٹرائل تھیسی تے انہاں کوں منطقی انجام تئیں پُجایا ویسی ، ڈیڈ باڈیز دا کوڑا پروپیگنڈا کرݨ آلیں کوں جواب ݙیوݨا ہوسی ۔ انہاں آکھیے علی امین گنڈا پور ݙو واری بھڄ ڳئن انہاں دا ملک دشمن ایجنڈا کھل تے سامݨے آچکے۔