اسلام آباد21 دسمبر (اے پي پي)د اطلاعات او خپرونو نګران وفاقي وزير مرتضٰی سولنګي په فلسطين كښې د مرستې په هلو ځلو كښې د اردن كردار ستائنه كولو سره وئېلي دي په فلسطين كښې امن د ټولې نړۍ ذمه واري ده٬ نړيواله ورورولي دې په فلسطين كښې سمدستي جنګ بندۍ لپاره خپل كردار ادا كړي۔ده دا خبره د زيارت په ورځ د اردن سفير ډاكټر معن خريسات سره د ملاقات په مهال په خبرو كښې كړې۔په ملاقات كښې په دواړو هېوادونو كښې راتلوونكو ټول ټاكنو٬فلسطين او اسرائيل ترمينځه به جنګ بندۍ٬سيمه ايز صورتحال٬د ميډيا په څانګو كښې د مرستې پشمول په نورو مهمو چارو هم د خيالاتو څرګندونه وشوه۔لنډ مهاله وفاقي وزير ووئيل پاكستان اردن سره خپلو اړيكو ته د قدر په سترګه ګوري٬دواړه هېوادونه په مذهبي اقدارو او كلتور اډانه اړيكې لري۔په ملاقات كښې د فلسطين او اسرائيل ترمينځه په تاؤ تريخوالي صورتحال اندېښنه ښكاره كړې شوه۔وفاقي وزير ووئيل په فلسطين كښې موجوده صورتحال نه يواځې د اسلامي نړۍ بلكې د ټولې نړۍ مهذبه قامونو لپاره د تشويش وړ دے۔په فلسطين كښې امن د ټولې نړۍ ذمه واري ده٬نړيواله ورورولي دې په فلسطين كښې د سمدستي جنګ بندۍ لپاره خپل كردار ادا كړي۔ده ووئيل د فلسطين اولس سره د يو والي څرګندونه كوو٬ ده ووئېل په فلسطين كښې د مرستې په هلو ځلو كښې د اردن كردار د ستائنې وړ دے۔په دې موقع د اردن سفير ووئيل په غزه كښې د خوراك نشتوالي په سبب بشري بحران رامخې ته شوے۔په ملاقات كښې په پاكستان او اردن كښې سږ كال كېدونكو ټاكنو په اړه هم د خيالاتو څرګندونه وشوه۔وفاقي وزير مرتضٰی سولنګي د اردن سفير په پاكستان كښې د ټاكنو پلو د پېشرفت نه خبرولو كښې ووئيل سږ كال د فرورۍ په اتمه نېټه به په ټول هېواد كښې ټاكنې كېږي٬الېكشن كمېشن آف پاكستان انتخابي شيډول جاري كړے ٬ټولو رجسټرډ سياسي ګوندونو ته د ټاكنو كمپائن لپاره 54 ورځې وركړی شوي۔ده ووئيل لنډ مهاله حكومت پاكې او غېر جانبداره ټاكنې باوري كولو لپاره به اليكشن كمېشن ته هر ممكنه مرسته او آسانۍ وركوي۔وفاقي وزير په اردن كښې سږ كال د كېدونكو ټاكنو عمل تكميل لپاره هم د نيكو خواهشاتو څرګندونه وكړه۔ده ووئيل اردن او پاكستان كښې به د ټاكنو عمل په نتيجه كښې جوړېدونكو حكومتونو څخه د دواړو هېوادونو ترمينځه د اړيكو يو نوے دور پېل شي۔په ملاقات كښې د پاكستان او اردن ترمينځه د تجارت او سرمايه كارۍ ممكنه څانګو كښې مرستې ته ودې وركولو ته هم صلاح راغله۔د اردن سفير ووئيل د 10م شريك وزارتي كمېشن مهمه غونډه به سږ كال اسلام آباد كښې كېږي چې پكښې به د دواړو هېوادونو ترمينځه د تجارتي او دوه اړخيزه اړيكو جاج اخستلے شي۔ده ووئيل د پاكستان او اردن ترمينځه د معيشت٬تجارت او سرمايه كارۍ په څانګو كښې مرستې له وده وركول پكار ده۔په ملاقات كښې د پاكستان او اردن ترمينځه د ميډيا او اطلاعات په څانګو كښې په مرسته زياتولو هم زور راوړو او پي ټي وي٬اے پي پي٬راډيو پاكستان او د اردن ريډيو٬ټيلي ويژن او اردن نيوز ايجنسۍ پيټرا ترمينځه د مفاهمت په يادښتونو هم خبرې وشوې۔په ملاقات كښې د دواړو هېوادونو رياستي ميډيا ادارو ترمينځه د مرستې لپاره د مفاهمت د يادښتونو عمل به لا تندولو هم اتفاق وشو۔لنډ مهاله وفاقي وزير مرتضٰی سولنګي د دواړو هېوادونو ترمينځه د ميډيا پلاؤيو د تبادلو په ضرورت هم زور راوړو۔
په فلسطين كښې امن د ټولې نړۍ ذمه واري ده٬نړيواله ورورولي دې په فلسطين كښې سمدستي جنګ بندۍ لپاره خپل كردار تر سره كړي۔د اطلاعات او خپرونو نګران وفاقي وزير مرتضٰی سولنګي د اردن سفير سره ملاقات كښې خبرې
مضمون کا ماخذ : estratégias loteria وفاقی
متعلقہ مضامین
