اسلام آباد۔30مئی (اے پی پی) د قومي اسمبلۍ په غونډه كښې يو شمېر غړو د اعتراض په نكته بېلې مسئلې په ډاګه كړی۔ سپيكر د غړو لخوا په پورته كړې نكتو رولنګ وركړو او هدايات يۍ جاري كړل۔ د نهې په ورځ د قومي اسمبلۍ په غونډه كښې د اعتراض په نكته مهناز اكبر عزيز ووئيل سېلګرۍ څخه ريونيو راځي٬ چترل څخه تر شېندرو د سړك حالت ډېر ناوړه دے۔ سي پېك كمېټي دې فعاله كړې شي۔ وفاقی وزیرمرتضیٰ جاوېد عباسی ووئيل په خېبر پښتونخوا كښې د پي ټي آئي 9 كاله حكومت پاتے شوے دے٬ دغلته ټولې ادارې تباه كړې شوي دي د كومو بحالي چې په راتلونكو درې څلورو كلونو كښې ممكن نه ده۔ نن په صوبه 900 اربه روپۍ قرض دے۔ په سوؤنو ټيوب وېلز بند دي٬ واپډا ته دې ټيوب وېلز ته د برېښنا وركولو له هدايت جاري كړې شي۔ سپيكر ووئيل د ټولې صوبې بد حال دے نګران حكومت دې نوټس واخلي۔ ډاكټر درشن ووئيل دوه ورځې وړاندې په ګھوټكي كښې يوه كوچنۍ قتل كړې شوه تر دې دمه كومه ګرفتاري نه ده شوې۔ په دې اړه دې هدايات جاري كړې شي۔ مهناز اکبرعزیز ووئيل په بھارہ کهو كښې د ماشومې د قتل 12 ورځې شوي دي ٬ د دې تفصيلاتو څخه دې خبر كړې شي۔ دوهم سپيكر ووئيل رپورټ راغلې معامله په كورټ كښې ده۔ نواب محمد یوسف تالپور ووئيل سندھ سره د اوبو په لړ كښې زياتې كېږي۔ د 1991 د اوبو د وېش په لوظنامه عمل نه كېږي۔ په دې بايد عمل وكړے شي۔ سپيكر معامله اړوندې كمېټۍ ته رېفر كړه۔ مولانا محمدانور ووئيل د تېر كال په مهال د سېلاب د لاسه په ټانك ٬ لكي مروت او ډېره اسماعيل خان كښې زيات زيان شوے دے ٬ دغسې سيمې ستونزو سره مخ دي۔ زمونږ مسئلې بايد حل كړې شي۔ ناز بلوچ ووئيل د عدالت احترام ضروري دے۔ په عملي توګه بايد انصاف كېدل په نظر راشي۔ دې ووئيل د اپوزيشن غړو دوه دوه كال د نېب زندانونه برداشت كړې دي او څه هم نه دي ثابت شوې۔ دې ووئيل مونږ د نېب په قانون كښې بدلون كړې او د حراست موده مو درې مياشتې څخه كمولو سره 14 ورځ كړې ده خو ددې باودجود د پي ټي آئي غړي څو ورځ زندان هم زغملې نه شي۔ دې ووئيل هيله لرو چې په انصاف رسوؤنكي به د انصاف په اصولو ولاړ پاتې شي۔ شاهدہ رحمانی ووئيل په كراچۍ كښې لوډشیډنګ روان دے خلق ستونزو سره مخ دي۔ دې سره سره اووربلنګ هم كېږي۔ دې ووئيل په كراچۍ كښې په ګرمۍ كښې هم د ګاز لوډشېډنګ كېږي۔
د قومي اسمبلۍ غونډه ٬ د غړو د اعتراض په نكته په بېلو مسئلو خبرې ٬ سپيكر رولنګ وركړو او هدايات يۍ جاري كړل
مضمون کا ماخذ : میگا ملینز کا جیک پاٹ
متعلقہ مضامین
.jpg)
