راولپنڈی۔6ستمبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ یوم دفاع پاکستان تے کیپٹن احمد بدر شہید دے گھر ڳئن تے شہید دے والد کرنل ریٹائرڈ بدر الدین اتے ٻئے لواحقین نال ملاقات کیتی ۔ وفاقی وزیر اطلاعات کیپٹن احمد بدر شہید دے گھرآلیں نال تعزیت کیتی تے شہید دے اُچے درجات سانڳے دعا منڳی ۔ وفاقی وزیر اطلاعات آکھیے کیپٹن احمد بدر شہید ساݙا ما?? اے ، قوم انھاں دی قربانی کݙاہیں نہ بھلسی ۔ شہداء دیاں قربانیاں کݙاں ضائع نی ویندیاں ۔ وفاقی وزیر آکھیے شہید دے والد ھک عظیم اتے باہمت پیو ہووݨ دا ثبوت ݙتے ، اپݨے پُتر دی شہادت تے جیں جذبے دا اظہار کیتے، پوری قوم کوں ایں تے ما?? اے ۔ ملک سانڳے ایجھا جذبہ پہلے کݙاہیں نی ݙٹھا ڳیا ۔ اڄ اساں آپݨے گھراں اچ محفوظ ہیسے تاں اے احمد بدر شہید جیھے شہداء دیاں قربانیاں پاروں ہے۔ وفاقی وزیر آکھیے حکومت اتے پاک فوج فتنہ الخوارج مکاوݨ سانڳے پرعزم ہن ، فتنہ الخوارج کوں منڈھوں مکیسوں ۔ 27 رمضان المبارک کوں اے ملک وجود اچ آوݨ ایں ڳالھ دی دلیل اے جو اے ملک پاکستان قیامت تئیں قائم رہسی ،تاریخ اچ اسلام دے ناں تے ݙو ہجرتاں تھیاں ، ھک ہجرت مدینہ اتے ھک ہجرت 1947ءاچ پاکستان سانڳے تھئی ، اے ملک عظیم قربانیاں نال ملیے ، شہداءدا اساں تے قرض اے، اللہ تعالیٰ کیپٹن احمد بدر شہید دے طفیل اساکوں وی توفیق ݙیوے ایں ملک د?? خدمت کرسڳوں ۔ شہید احمد بدر دے والدین کوں سلام پیش کریندوں ، اُتھاں کیپٹن احمد بدر شہید دے والد کرنل ریٹائرڈ بدر الدین آپݨی ڳالھ اچ آکھیے میکوں ما?? اے جو میں ھک شہیدا دا والد ہاں ، جیں دلیری تے جرات نال میݙے پُتر شہادت کوں ڳل لاتے ایں توں میݙا سرماݨ نال اُچا تھی ڳئے، شہادت توں پہلے میݙے پُتر کوں اوندے ساتھی آکھیا جو دشمن بالکل سامݨے اے پچھی تے ہٹ ونڄ ، پُتر آکھیا جے میں پچھوں ہٹ ڳیا قوم تے فوج کوں کیا جواب ݙیساں ، انھاں آکھیے پوری قوم میݙے پُتر دی شہادت تے جیڑھے جذبے دا اظہار کیتے ایں تے پورے ملک دا دلوں شکریہ ادا کرینداں۔ ??ین??ے توں پہلے وفاقی وزیر اطلاعات عطاءاللہ تارڑ راولپنڈی اچ واقع کیپٹن احمد بدر شہید دے گھر پڄے تاں کیپٹن احمد بدر شہید دے والد کرنل ریٹائرڈ بدرالدین اتے ٻئے لواحقین نال ملاقات کیتی اتے انھاں کوں ڳل نال لاتا تے شہید کیپٹن احمد بدر کوں خراج عقیدت پیش کیتا
.jpg)
