اسلام آباد۔19اکتوبر(اے پی پی) وزیراعظم محمد شہباز شریف آکھیے چھاتی دا سرطان پوری دنیا دیاں تریمتاں کوں ساریں توں ودھ متاثر کرݨ آلا کینسر اے ، میں سارے سٹیک ہولڈرز بالخصوص میڈیا توں اپیل کرینداں او چھاتی دے کینسر بارے آگاہی ݙ??وݨ سانڳے قومی سطح تے ھک جامع اتے مربوط آگاہی مہم سانڳے کوششاں مزید تکھیاں کرن ، اجتماعی کوششاں توں اساں ایندے اچ کمی گھن آسڳدوں ۔ وزیراعظم آفس دے میڈیا ونگ توں جاری بیان موجب وزیراعظم چھاتی دے کینسر دے جگ ݙیھاڑ تے آپݨے سنیھے اچ آکھیے جو اساں چھاتی دے کینسر بارے آگاہی ودھاوݨ بالخصوص تریمتاں اچ ایندی وختی تشخیص و علاج دی لوڑھ تے زور ݙ??وݨ سانڳے عالمی برادری نال شامل ہن ، چھاتی دا کینسر دنیا اچ تریمتاں کوں ساریں توں ودھ متاثر کرݨ آلا کینسر اے تے افسوس ناک ڳالھ اے ہے جو زیادہ اموات گھٹ تے درمیانی آمدنی آلے ملکاں اچ تھیندن ، ساݙے ملک کوں چھاتی دے کینسر دی تشخیص اتے علاج دیاں سہولتاں دی دستیابی اچ اہم چیلنجز دا سامݨا اے۔ تاں جواساں ابتدائی تشخیص تے مؤثر علاج توں ایندا مقابلہ ??رسڳدوں ، کیوں جو جے چھاتی دے کینسر دی ابتدائی مرحلے اچ تشخیص تھی ونڄے تاں مستقل صحت یاب تھ??وݨ دا 98 فیصد امکان ہوندے ۔شہباز شریف آکھیے آگاہی ودھاوݨ سانڳے وقف کوششاں نال، تریمتاں کوں باقاعدہ خود معائنہ کرݨ دی ترغیب ݙٰیندے ہوئیں اساں چھاتی دے کینسر دے ابتدائی مرحلے دے کیسز دی رپورٹنگ اچ ودھارا ݙٹھے جیڑھی خوش آئند پیشرفت اے۔ میکوں خوشی تھئی اے جو میڈیا ایں سلسلے اچ آگاہی ودھاوݨ سانڳے اہم کردار نبھیندا پئے ۔ وزیراعظم آکھیے میں سارے اسٹیک ہولڈرز بالخصوص میڈیا توں اپیل کرینداں جو او ایں بیماری دی آگاہی ݙ??وݨ سانڳے قومی سطح تےھک جامع مہم سانڳٖ کوششاں مزید تکھیاں کرن ۔وزیراعظم آکھیے میکوں یقین اے جو اساں آپݨی کوششاں توں پاکستان اچ چھاتی دے کینسر توں تھ??وݨ آلی ا??وات کوں نمایاں طور تے گھٹ کرسڳدوں تے ساریاں تریمتاں سانڳے صحت مند مستقبل دی ا??ید ݙے سڳدوں۔
