اسلام آباد۔3نومبر(اے پی پی) قائمقام چیئرم??ن سینٹ سیدال خان آکھیے پاکستان تہذیب و تمدن،ادب و ثقافت دا ہمیشہ گہوارہ رہیے ،پاکستان دی تاریخ نامور صوفیا کرام ،ادیباں اتے دانشوراں نال بھری پئی اے۔ لوڑھ ایں ڳالھ دی ہے جو ادب اتے تہذیب و ثقاف کوں موثر انداز اچ اجاگر کیتا ونڄے۔ اے ڳالھ قائمقام چیئرم??ن سینٹ سندھی لینگویج اتھارٹی محکمہ ثقافت سیاحت و نوادرات سندھ دے تعاون نال نویں نسل کوں عظیم صوفی شاعر شا?? عبداللطیف بھٹائی دی شاعری نال روشناس کراوݨ دی غرض نال اسلام اباد اچ تھیوݨ آلے ٻالاں دا شا?? لطیف میلہ اچ مہمان خصوصی دی حیثیت نال شرکت دے موقع تے آکھی ۔سینٹ سیکرٹریٹ میڈیا ڈائریکٹوریٹ توں جاری پریس ریلیز موجب قائم مقام چیئرم??ن سینٹ سیدال خان شا?? عبداللطیف میلے دا افتتاح وی کیتا ایں میلے دا مقصد مختلف زباناں ٻولݨ آلے ٻالاں کوں شا?? عبداللطیف دی شاعری اتے سنھیا ݙساوݨ اے۔ میلے دا ݙوجھا اہم مقصد پاکستان دی نویں نسل کوں عظ??م سندھی شاعر شا?? عبدالطیف بھٹائی دے سنھیے کوں فلسفے اتے صوفیانہ فکر نال روشناس کراوݨا ہئی ۔ ھک ݙینھ دے فیسٹیول اچ مختلف زباناں ٻولݨ آلے طالبیں کوں تقریراں ، بیت بازی ،تھیٹر ،مصوری اتے ٻئے فنون لطیفہ دے ذریعے شا?? عبداللطیف بھٹائی دے سنھیے تے تخلیقی ورثے نال روشناس کرایا ڳئے۔ ایں موقع تے قائمقام چیئرم??ن سینٹ اپݨے خطاب اچ آکھیے موجودہ وقت اچ امن سلامتی اتے حقیقی اسلامی فکر کوں اجاگر کرݨ تے نویں نسل دی فکری تربیت کرݨ دی لوڑھ اے ۔ سیدال خان آکھیے نویں نینگر نسل کہیں وی ملک دا قیمتی اثاثہ ہوندی اے لوڑھ ایں امر دی اے جو نویں نسل دی بہتر تعلیم و تربیت نال ملک دی ترقی خوشحالی تے انھاں دے خاندان سانڳے قیمتی اثاثہ بݨایا ونڄے۔ نینگر نسل کہیں وی قوم دی تقدیر بدلݨ اچ اہم کردار نبھا سڳدی اے جے نینگر نسل کوں بہتر حکمت عملی دے تحت اعلی تے فنی تعلیم نال آراستہ کیتا ونڄے تاں او ملک سانڳے ٻہوں اہم ہوندن ۔ ایجھے پروگرام کراوݨ ٻہوں موثر ہوندے جیں توں نہ صرف صوفیا کرام، تہذیب وثقافت کوں اجاگر کرݨ اچ مدد ملدی اے بلکہ نینگر نسل کوں ھک صحیح پاسہ وی ݙکھایا ویندے۔پاکستان انھاں خوش قسمت ملکاں اچوں ھک اے جتھاں ملک دے چار صوبیں اچ ایندی علاقائی زباناں دے نامور شاعر اتے صوفیا کرام ڄمئن تے انھاں دی تعلیمات کوں مزی?? ودھاوݨ دی لوڑھ اے
