لاہو??۔3نومبر(اے پی پی) وزیراعلی پنجاب مریم نواز کینال دے نیڑے زیر تکمیل پی آئی سی ٹو ہسپتال دا دورہ کیتے تے تعمیرات دا جائزہ ڳھدے ۔و??یراعلی مختلف شعبیں اچ جاری تعمیراتی سرگرمیاں،تعمیراتی مٹیریل اتے ٻئے امور دا وی جائزہ ڳھدا ۔ ہسپتال دے مخت??ف فلور تے ڈرائی پارٹیشن وال اتے ایچ ویک دی تنصیب داکم جاری اے۔مریم نواز پی آئی سی ٹو کوں وختی فنکشنل کرݨ سانڳے اقدامات دی ہدایت کیتی تے آکھیے جو پی آئی سی ٹو بݨݨ نال پنجاب انسٹیٹیوٹ آف کارڈیالوجی تے مریضاں دا دٻاؤ گھٹ تھیسی ، ہر ڈسٹرکٹ اچ کارڈیالوجی دی مکمل سہولتاں ݙیوݨ دے پلان تے عمل درآمد شروع تھی چکے ،چلڈرن ہارٹ سرجری سانڳے کارڈ سسٹم متعارف کراوݨ نال سینکڑاں ٻالاں دے آپریشن سوکھیں تھی چکئن ۔ ایں موقع تے پنجاب انفراسٹرکچر ڈویلپمنٹ اتھارٹی دے سی ای او شاہ میر اقبال تفصیلی بریفنگ ݙتی ۔ وزیراعلی مریم نواز شاہ میر کوں شاباش ݙتی تے ڈیزائن کوں چنڳاں کرݨ دی ہدایت کیتی ۔ وزیراعلی پی آئی سی ٹو پراجیکٹ سانڳے درکار مشینری ݙیوݨ یقینی بݨاوݨ دا ح??م ݙتا ۔ وزیراعلی کوں پی آئی سی ٹو پراجیکٹ بارے بریفنگ اچ ݙسایا ڳئے جو پنجاب انسٹیٹیوٹ آف کارڈیالوجی ٹو پراجیکٹ 250بیڈز دا ہوسی ، پی آئی سی ٹو اچ جدید ترین ہائیبرڈ آپریشن تھیٹر وی بݨائے ویسن ۔ بریفنگ اچ مزید ݙسایا ڳئے جو پی آئی سی ٹو اچ ایمرجنسی، سرجیکل اتے میڈیکل آئی سی یووی بݨسن، پی آئی سی ٹو دے گرے سٹرکچر دا تقریبا 90فیصد توں ودھ کم مکمل تھی چکیے۔
