اقوام متحدہ۔8نومبر(اے پی پی) اقوام متحدہ دی جنرل اسمبلی دی فرسٹ ??میٹی تخفیف ??سلحہ متعلق پاکستان دی طرفوں پیش کیتیاں ڳیاں چار قرارداداں دی منظوری ݙے ݙتی جنھاں دا مقصد علاقائی تے بین الاقوامی امن تے سلامتی کوں ودھارا ݙیوݨ اے ، اے قرارداداں اے اہداف گھنݨ سانڳے پاکستان دے عزم کوں ظاہر کریندن ۔ اے قرارداداں گزریل ݙینھ اقوام متحدہ دی جنرل اسمبلی دی تخفیف ??سلحہ اتے بین الاقوامی سلامتی متعلق فرسٹ ??میٹی دی طرفوں منظور کیتیاں ڳئن ، جنھاں اچوں ترائے قرارداداں کوں رکن ملکاں دی طرفوں ایندے باوجود زبردست حمایت ملی جو عالمی سطح تے جوہری اسلحہ دے عدم پھیلاؤ اتے ایندے اچ تخفیف ??ے حوالے نال چیلنجز دا سامݨا اے۔ توقع اے جو انھاں قرار داداں دے مسودیں کوں توثیق سانڳے آندے مہینے جنرل اسمبلی اچ پیش کیتا ویسی ۔قرارداداں علاقائی سطح تے تخفیف ??سلحہ، علاقائی اتے ذیلی علاقائی سطح تے روایتی ہتھیاراں دے کنٹرول دے نال نال علاقائی اتے ذیلی علاقائی تناظر اچ اعتماد سازی دے اقدامات (سی بی ایمز) متعلق ہن۔’’علاقائی تخفیف ??سلحہ‘‘ اتے ’’علاقائی اتے ذیلی علاقائی تناظر اچ اعتماد سازی دے اقدامات ‘‘دے عنوان توں قرارداداں اتفاق رائے نال منظور کیتیاں ڳئن ۔ ’’علاقائی تے ذیلی علاقائی سطح تے روایتی ہتھیاراں دا کنٹرول‘‘ دے عنوان توں قرارداد دے متن دے حق اچ 179 ووٹ تے مخالفت اچ صرف ھک ووٹ پئے جیڑھا جو بھارت دا ہئی۔ ایں تے علاوہ اسرائیل قرار داداں تے ووٹنگ اچ حصہ کائنی ڳھدا ۔عالمی برادری دی طرفوں قرارداداں سانڳے زبردست حمایت ھکے خطے یا ذیلی خطے اچ واقع ریاستاں دی دفاعی صلاحیتاں اچ روایتی ہتھیاراں دے کنٹرول، تحمل اتے توازن سانڳے پاکستان دی وکالت دے اعتراف کوں ظاہر کریندن ۔اقوام متحدہ دے سفارت کاراں علاقائی تخفیف ??سلحہ، روایتی ہتھیاراں تے قابو پاوݨ تے اعتماد سازی دے اقدامات (سی بی ایمز ) دے اہداف کوں ودھارا ݙیوݨ سانڳے پاکستان دے اقدامات دی تعریف کریندے آکھیے قرارداداں بین الاقوامی امن، سلامتی اتے استحکام کوں ودھارا ݙیوݨ سانڳے ہتھیاراں دے کنٹرول، تخفیف ??سلحہ اتے اعتماد سازی سانڳے علاقائی اتے عالمی نقطہ نظر دی اہمیت تے تکمیل کوں منیندن ۔ ایں توں پہلے پاکستان دی قرار دادبعنوان ’’جوہری ہتھیاراں دے استعمال یا استعمال دے خطرے دے خلاف غیر جوہری ہتھیار رکھݨ آلیاں ریاستاں کوں یقینی بݨاوݨ سانڳے موثر بین الاقوامی انتظامات دی تکمیل ‘‘ دے حق اچ 117 ووٹ پئن، مخالفت اچ کوئی ووٹ کائنی پیاجݙاں جو 64 رکن ملکاں رائے شماری اچ حصہ کائنی ڳھدا۔
